үсийг арчлах

                       

Гэмтэлтэй үсийг арчлах шалгарсан                                  аргууд

 Үс сайхан бол зүс сайхан гэдэг шүү дээ. Тиймдээ ч хүн бүхэн намирсан, эрүүл гэзэгтэй байхыг хүсдэг. Гэвч зарим бүсгүйчүүд өдөр тутмын буруу арчилгаанаас болж үсээ гэмтээх нь бий. Нэгэнт гэмтсэн үсээ эрүүлжүүлэх гэсээр хамаг цаг зав, мөнгөө үрж орхидог нь нууц биш. Иймд та бүхэндээ гэмтэлтэй үсийг арчлах шалгарсан аргуудыг дуулгая. Эдгээр аргууд нь танд хэрэг болох нь гарцаагүй юм 
1.Үсээ анзаар

Та үсээ ямагт сайтар анзаарч, шинжиж байх хэрэгтэй. Үс гэдэг тун ч эмзэгхэн тул байнга анхаарал халамж шаарддаг юм. Хэсэгхэн хугацаанд үсээ арчлахгүй орхих төдийд л гэмтэж, үзүүр хэсгээсээ шарладаг эхлэдэг. Энэ нь даамжирсаар халцралтын суурийг тавьдаг байна. Иймд ямагт үсээ анзаарч, асуудлыг бага дээр нь шийдвэрлэвэл зохилтой.

2.Угаах давтамж

Үсээ угаах давтамж нь мөн л таны үсний онцлогоос хамаарна. Хэрэв таны үс тослог бол 1-2 хоногт нэг удаа угаах ёстой. Харин хуурай бол 2-3 хоногт нэг удаа угааж хэвшээрэй. Энэ нь таны үсний тослогийг тэнцвэржүүлж, хуйханд тэжээл өгөхөд тусална. Хэрэв та үсээ хэт их угааж байвал үс тань хуурайшиж, улмаар салаалахад хүрдэг. Тиймээс үснийхээ төрөлхийн тослогийг хуйхандаа шингээж, үснийхээ үзүүр лүү тарааж өгөөрэй.

3.Үсний сэнс

Үсээ угаасныхаа дараа сэнсээр үсээ хатаахаас аль болох татгалзаж байгаарай. Үсний сэнснээс ялгарах халуун уур нь үсний чийгшлийг үгүй хийж, хуурайшуулж орхидогоос гадна үсний бат бөх чанарыг алдагдуулж байдаг юм. Иймд та болж өгвөл алчууранд үсээ боож хатааж байвал үсний тань эрүүл төрх хадгалагдан үлдэх аж.

4.Самнах

Хурц ширүүн үзүүртэй самаар үсээ хүчтэй самнах нь өндөр эрсдлийг дагуулж байдаг. Үсийг тань гэмтээж, өнгө алдуулах сөрөг талтай. Мөн үсээ угаасны дараа шууд самнах, боох хэрэггүй бөгөөд хатааж, гараараа салгаарай. Үүнээс гадна аль болох том шүдтэй самыг сонговол зүйтэй

5.Аюултай бүтээгдэхүүн хэрэглэх

Химийн орц найрлага ихтэй аюултай үс арчилгааны бүтээгдэхүүнээс зайлсхийх хэрэгтэй. Ингэхдээ та үсэндээ зориулан авч байгаа бүтээгдэхүүнээ сайтар судалж, орц найрлагыгг унших ёстой төдийгүй худалдагчаас тусламж хүсч болно шүү дээ. Тус төрлийн аюултай бүтээгдэхүүн хэрэглэх нь үсийг тань эмчлэх бус харин ч эвдэж, сүйтгэж орхидог юм. 

6.